المكسرات والحمل

كتير من الستات في فترة الحمل بيحصلهم ضعف نتيجة تكوين الجنين وده بيأثر علي الصحة بشكل كبير وبالتالي طبيعة الجسم محتاجة تعوض كل ده، بنفضل ندورونتابع مع دكاترة التغذية ونجرب حلول كتير ونسينا إن الحل يكمن في المكسرات لأنها بتحتوى علي البروتين والدهون الأحادية غير المشبعة والدهون غير المشبعة وفيتامينات ب و هــ و أوميجا3
وهنلاقي أن دا بيشمل كل العناصر اللي هتعوض جسمك وتساعد كمان في نمو طفلك …
ومن أكتر أنواع المكسرات اللي هتديكي العناصر الغذائية زى اللوز والفول السوداني والمكاديميا والفستق وعين الجمل

لازم الأول نعرف إن المكسرات مش متماثلة في الفايدة اللي بتقدمهالنا، بمعنى إن كل نوع من المكسرات بيدينا قيمة وفايدة غذائية مختلفة عن التاني، تعالو نشوف مع بعض ايه اللي بتقدمهولنا المكسرات بأنواعها وإزاي نقدر نستفيد منها
اللوز : ناس كتير معتقدة إن تناول اللوز أثناء الحمل بيسبب ارتفاع في نسبة الحرارة والدهون، بس الحقيقة إن اللوز آمن تماما للحامل لو تم تناوله باعتدال، لأن اللوز في الأساس بيتكون من الدهون الأساسية والفيتامينات والبروتينات الهامة جدا، زي أوميجا6 وأوميجا 9 وحمض الفوليك ونسبة عالية من الكالسيوم والفسفور، ودي عناصر مهمة جدا في الشهور الأولى للجنين وصحة عظامه وبتساعد على سلامة الحمل.

المكسرات

تفتكرى ايه الفوائد اللي هتديهالك المكسرات…؟

الفول السوداني : غير أنه من التسالي اللي بنحبها ومنستغناش عنها، الفول السوداني غني بالبروتين اللي بيساعد على نمو الجنين،
كمان المنجنيز فيه بيساعد إن عظام طفلك تتكون بصحة كويسة وبيمنع انقباضات الرحم، وطبعا مليان سعرات حرارية بتقوي صحتك، الفول السوداني كمان هيساعدك تنظمي نسبة السكر في الدم خلال فترة الحمل لأنه بيساعد على توازن السكر في الدم بالنسبة للحامل

المكاديميا : بيقولوا عليها ملك المكسرات، المكاديميا بتقدملك

فوائد كتيرة جدا في فترة الحمل وهتساعدك تتجنبي مشاكل كتير لأنها بتحتوي على فيتامين اي وثيامين بي وان وريبوفلافين بي تو ومعادن كتير زي البوتاسيوم وفسفور وماغنسيوم وكالسيوم،

الحاجات دي بتحافظ على صحتك بشكل كويس جدا وقت الحمل لأنها بتقوي العظام والأسنان وبتحفظ إتزال السوائل في الجسم وبتقوي جهاز المناعة والجهاز العصبي وبتعزز صحة الشعر والبشرة.

الفستق : غني بالنحاس وهيحميكي من الانيميا لأنه بيحافظ على كرات الدم الحمراء في فترة الحمل، كمان غني بمضادات الالتهاب ودا هيقلل جدا معاكي من آلام المفاصل والتورم،
دا غير أنه غني بالأحماض الدهنية غير المشبعة اللي بترفع مستوى الكوليسترول الجيد في الدم وبتخفض من مستوى الكوليسترول السئ.

الجوز : كتير من الستات بتتعرض لارتفاع ضغط الدم في اخر 3 شهور من الحمل، ودا ممكن يسبب مشاكل كتير زي الولادة المبكرة أو الإجهاض، دخول الجوز في نظامك الغذائي هيساعدك تقاومي المشاكل دي وتحافظي على صحتك وصحة الجنين،
وكمان تناول الجوز بشكل معتدل في فترة الحمل بيساعد في الحفاظ على نسبة الدهون في الجسم، دا غير أنه مليان مضادات أكسدة هتقوي مناعتك بشكل كبير.

ولأن كلنا عارفين ان معظم الأمهات خلال فترة الحمل بتكون حالتها المزاجية على غير العادي، لازم نقولك ان تناول المكسرات في فترة الحمل هيساعدك تتخلصي من العصبية والتوتر.
ناتس كراك بتوفرلك كل المكسرات اللي ممكن تحتاجيها ليكي ولطفلك عشان تقدري تحافظي على صحتك في فترة الحمل.

تابع صفحتنا علي فيسبوك من هنا

Sign Up & Save

Get exclusive offers, free shipping events & more by signing up for our promotional emails.

X